13 dekabr 2019 16:43
450

UEFA-nın yeni reytinqi açıqlandı

Avrokuboklarda qrup mərhələsinin başa çatmasından sonra UEFA reytinqi açıqlanıb.

Qol.az xəbər verir ki, Avroliqadakı təmsilçimiz "Qarabağ"ın son görüşündə “Düdelanj"la bərabərə qalması (1:1) ölkəmizin aktivinə 0,250 xal yazdırıb.

Reytinqdəki sıramız isə əvvəlki kimi 26-cıdır. “Qarabağ” ötən gün Lüksembruq təmsilçisinə qalib gəlsəydi, Azərbaycan reytinqdə bir pillə irəliləyəcəkdi. Ölkəmiz cari mövsümü 3,375 əmsalla tamamlayıb.

Son 5 ilin nəticələrinə görə hesablanan reytinqimiz isə 18,750-dir.