14 aprel 2021 14:09
484

Yunanıstan XİN başçısı İstanbula səfər edib

Yunanıstanın xarici işlər naziri Nikos Dendias İstanbula səfər edib.

"İki sahil" xəbər verir ki, nazir Yunanıstanın İstanbuldakı Konsulluğunda Fener Rum patriarxı ilə görüşüb.

Qısamüddətli görüşdən sonra nazir yenidən Afinaya qayıdıb. O, bu gün Brüsseldə keçirilən NATO toplantısına videokonfrans formatında qatılacaq.

Qeyd edək ki, N. Dendiasın bu gün Türkiyənin xarici işlər naziri Mövlud Çavuşoğlu ilə Ankaradakı rəsmi görüşü sözügedən NATO toplantısı ilə əlaqədar sabaha təxirə salınıb.