ABŞ-da "Kainat gözəli" müsabiqəsi baş tutub.
"İki sahil" Türkiyə mətbuatına istinadən xəbər verir ki, ötən il pandemiyaya görə təxirə düşən yarışmada 26 yaşlı Meksika təmsilçisi Andrea Meza qalib olub.
Birinci vitse-miss Braziliya təmsilçisi Culiya Qama, ikinci isə Perudan qatılan Yanik Maseta olub. Ümumilikdə müsabiqəyə 73 ölkənin təmsilçisi qatılıb.
Andreyaya tacını "Kainat gözəli 2019"un qalibi Zozibini Tunsi taxıb. Meza sosial aləmdə tanınan simadır. O, qadın hüquqlarının aktiv müdafiəçisidir. O, eyni zamanda vizajistdir və ekstremal idman növləri ilə məşğul olur.
