03 dekabr 2021 09:14
411

Salvadorda hərbi təyyarə qəzaya uğrayıb

Salvadorda göyərtəsində ölkənin müdafiə naziri Merino Monroyanın oğlu Xerardo Martinonun olduğu hərbi təyyarə qəzaya uğrayıb.

“İki sahil” xəbər verir ki, təyyarə bir gün əvvəl dənizdə itən yaxtanı axtarırmış. Hava gəmisinin göyərtəsində 3 ekipaj üzvü olub, hazırda onların axtarışları davam etdirilir. Axtarışlara təyyarələr və helikopterlər cəlb olunub.

Sosial şəbəkələrdə hər üç ekipaj üzvünün həlak olması ilə bağlı narahatlıqlar var.

Salvador Prezidenti Nayib Bukele müdafiə nazirinə başsağlığı verib.