Dağlar diyarı Lerikdə futbol azarkeşlərin  böyük həyəcan və həvəslə gözlədiyi günlər artıq başlanıb.  Belə ki, Vətən müharibəsi şəhidlərinin əziz xatirəsinə həsr olunan Futbol üzrə Lerik Rayon çempionatında ilk turun oyunları  öz maraqlı anları ilə yaddaşlara  həkk olunub.  

Çempionatın təşkilatçılardan biri olan  Lerik Rayon Gənclər və İdman İdarəsinin rəisi Natiq İsaqov deyir:- Futbol həvəskarların böyük sevincinə səbəb   olan yarışin ilk nəticələri bəllidir.   Şəhərlilər və Çayrud komandaları arasında keçirilən maçda birincilər  3-0 hesabı ilə  qələbə qazanıb. İkinci oyunda isə Lüləkaran komandası Şinəband komandasının qapısından 4 cavabsız top keçirib. Hər iki oyunu  çoxlu lerikli izləyib və  yaşıl meydançada gedən yarışlardan zövq ala biliblər. Növbəti oyunlara da çoxlu azarkeşin gəlməsinə tam əminəm.

Zəfər Orucoğlu,
Azərbaycan Jurnalistlər Birliyini üzvü