15 avqust 2022 11:47
406

Ukrayna Krım körpüsünün məhvi üçün Britaniya ilə danışıqlar aparıb

Ukrayna NATO-nun iyunda Madriddə keçirilən sammitində Böyük Britaniyanın müdafiə naziri Ben Uolleslə Krım körpüsünün məhv edilməsini müzakirə edib.

“İki sahil” TASS-a istinadla xəbər verir ki, bu barədə Ukrayna Radasının deputatı Aleksey Qonçarenko məlumat verib.

“Biz hələ iyunda Krım körpüsünün məhv edilməsi üçün Ben Uolleslə danışıqlar aparmışıq”, - deyə o qeyd edib.

Bundan başqa, Uollesin Ukraynaya M270 reaktiv yaylım atəşi sistemləri və raketləri, M31A1 idarəolunan raketlər veriləcəyi ilə bağlı vədini qeyd edib.