02 dekabr 2022 18:55
574

Kukla Teatrında yoxlama ilə bağlı AÇIQLAMA

Mədəniyyət Nazirliyi Kukla Teatrında yoxlamalara davam edir.

“İki sahil” xəbər verir ki,  nazirlikdən bildirilib ki, bu cür yoxlamalar digər müəssisələrdə də aparılacaq.

“Mədəniyyət Nazirliyi tərəfindən həyata keçirilən islahatlar çərçivəsində strukturuna daxil olan və daxil olmayan müəssisələrdə mütəmadi olaraq monitorinqlərin keçirilməsi, yoxlama və araşdırmaların aparılması nəzərdə tutulub”, – məlumatda qeyd olunub.

Qeyd edək ki, mədəniyyət naziri Anar Kərimovun noyabrın 18-də imzaladığı əmrlə Kukla Teatrında yoxlama başlayıb. Yoxlamanın noyabrın 25-də bitəcəyi gözlənilsə də, sonradan müddəti uzadılıb.

Həmçinin bundan öncə nazirlik tərəfindən Mingəçevir Dövlət Dram Teatrında da daxili yoxlama aparılıb və yoxlamanın nəticəsi kimi teatrın direktoru Anar Quliyev vəzifəsindən azad olunub.