Azərbaycan Xarici İşlər Nazirliyi (XİN) Əfqanıstanda zəlzələ zamanı ölənlərin ailələrinə başsağlığı verib.

“İki sahil” xəbər verir ki, başsağlığında deyilir:

"Əfqanıstanın Herat şəhərində yüzlərlə insanın həyatına son qoyan dağıdıcı zəlzələ xəbəri dərindən kədərləndi. Bu faciədə həlak olanların ailələrinə başsağlığı veririk. Fikirlərimiz və dualarımız Əfqanıstan xalqının yanındadır".

Qeyd edək ki, oktyabrın 7-də 6,3 bal gücündə zəlzələ şənbə günü saat 11:00 radələrində Herat şəhərindən 40 km şimal-qərbdə baş verib. Güclü yeraltı təkanlar qonşu Badqis və Fərəh əyalətlərində də hiss olunub. Zəlzələdə həlak olanların sayı 2,4 min nəfəri ötüb.