2023-cü ildə tikinti müəssisələri tərəfindən (fərdi sahibkarlar nəzərə alınmaqla) yerinə yetirilən inşaat işlərinin 80,7 faizini tikinti, yenidənqurma və genişləndirmə, 7,9 faizini əsaslı təmir, 7,1 faizini cari təmir, 4,3 faizini isə sair tikinti işləri təşkil edib. Ümumi inşaat işlərinin 88,7 faizini qeyri-dövlət tikinti müəssisələri yerinə yetirib.

“İki sahil”in Dövlət Statistika Komitəsinə istinadla xəbərinə görə, tikinti materiallarının istehsalı sahəsində 2023-сü ildə istehsalın ümumi dəyəri 1180,3 milyon manat olmaqla, əvvəlki illə müqayisədə 31,8 faiz artıb.

DSK-nın məlumatında qeyd olunub ki, ötən il ərzində tikinti gipsinin istehsalı 98,1 faiz, gips məmulatlarının istehsalı 73,5 faiz, sement klinkerlərinin istehsalı 36,9 faiz, sement istehsalı 4,6 faiz artıb.