Çempionlar Liqasının 1/4 final mərhələsinin "Barselona" ilə cavab oyunu PSJ-nin hücumçusu Kilian Mbappe üçün əlamətdar olub.
“İki sahil” xəbər verir ki, o, bu görüşdə dubl edib. Nəticədə 25 yaşlı forvard karyerası ərzində avrokuboklarda vurduğu qolların sayını 48-ə yüksəldib. Mbappe bu göstəricidə Zlatan İbrahimoviç və Andrey Şevçenkoya çatıb.
Rekord isə hazırda "Əl-Nəsr"də oynayan Kriştiano Ronaldoya məxsusdur - 140 qol.
Avrokuboklarda ən çox qol vuran futbolçular aşağıdakılardır:
1. Kriştiano Ronaldo - 140 qol qol
2. Lionel Messi - 129 qol
3. Robert Levandovski - 94 qol
4. Kərim Benzema - 90 qol
5. Raul - 71 qol
6. Ruud van Nistelroy - 56 qol
7. Tomas Müller - 54 qol
8. Thierry Henry - 50 qol
9. Kilian Mbappe, Andrey Şevçenko, Zlatan İbrahimoviç - 48 qol
Qeyd edək ki, 1/4 finalın ilk oyununda PSJ "Barselona"ya 2:3 hesabı ilə uduzmuşdu. Lakin Paris təmsilçisi ötən gün Kataloniya komandasını 4:1 hesabı ilə məğlub edib və yarımfinala adlayıb.