Pekində Çin Xalq Azadlıq Ordusunun tərkibində yeni qoşun növü - İnformasiya Dəstəyi Qüvvələrinin yaradılması ilə bağlı mərasimi keçirilib.

“İki sahil” “Sinxua” agentliyinə istinadən xəbər verir ki, general-leytenant Bi İ İnformasiya Dəstəyi Qüvvələrinin komandanı, general-polkovnik Li Vey isə siyasi komissar təyin edilib.

İnformasiya Dəstəyi Qüvvələrinə ordunun maraqlarına uyğun olaraq informasiya sistemlərinin yerləşdirilməsi və paylaşılması tapşırılıb.

Çin Xalq Respublikasının (ÇXR) sədri Si Cinpin qeyd edib ki, İnformasiya Dəstəyi Qüvvələri ordunun yüksək keyfiyyətli inkişafını təşviq etmək və müasir müharibələrdə qələbələrin təmin edilməsində mühüm rol oynayacaq.