Rus filosofu Aleksandr Duqin əmindir ki, ingilisdilli ölkələrdə böhranın ilkin səbəbi fərdiyyətçilikdir. O, bu barədə amerikalı jurnalist Taker Karlsona müsahibəsində bildirib. Filosof həmçinin qeyd edib ki, Prezident Vladimir Putin ənənəvi dəyərlərə sadiqliyinə görə xaricdə bəyənilmir. 

“İki sahil” "Kommersant"a istinadla xəbər verir ki,  söhbət zamanı o, cənab Duqindən soruşub ki, ABŞ, Kanada, Böyük Britaniya, Yeni Zelandiya, Avstraliya niyə “öz təbiətlərinə zidd gedir və özlərini məhv edirlər”. Filosof bunun səbəbini fərdiyyətçilik hesab edir ki, bu da onun fikrincə insan təbiətinin yanlış anlaşılmasıdır. O, həmçinin hesab edir ki, fərdiyyətçilik liberal ideologiyanın mərkəzinə çevrilib.

Fərdiyyətçilik liberal ideologiyanın mərkəzinə çevrilib

Onun fikrincə, Qərbdə çoxluğun hökmranlığını azlıqlara tabeçiliklə əvəz edən ideyalar üstünlük təşkil edir. Öz növbəsində, Vladimir Putin öz siyasətinin əsasını ənənəvi dəyərləri götürdü: ailənin qorunması, dövlət suverenliyi və ölkənin müdafiə qabiliyyəti.

“Putin ənənəvi liderdir. O, hakimiyyətə gələndə lap əvvəldən ölkəmiz Rusiyanı qlobal təsirdən çıxarmağa başladı. O, qlobal gündəmə qarşı çıxmağa başladı”, - Aleksandr Duqin izah edib. O, müasir Rusiya hakimiyyətinin Qərbdə rədd edilməsinin köklərini məhz bu siyasətdə görür.