Krımın rəhbəri Sergey Aksenov Simferopol vilayətinin Donskoye kəndi yaxınlığında ATACMS raketinin vurulduğunu bildirib.

“İki sahil” “Kommersant”a istinadla xəbər verir ki, o, bu haqda Teleqram kanalında yazıb: “ATACMS raketləri vurulduqdan sonra partlamamış sursatlar səpələnib. Əgər bu sursat tapsanız, götürməyin, yaxınlaşmayın, Fövqəladə Hallar və Daxili İşlər nazirliklərinin əməkdaşlarına zəng edin”.

Bundan əvvəl “Biz Rusiya ilə birlikdəyik” hərəkatının sədri Vladimir Roqov demişdi ki, aprelin 30-na keçən gecə Ukrayna Silahlı Qüvvələri Krım ərazisinə ATACMS uzaqmənzilli ballistik raketləri ilə hücuma cəhd edib. Bundan bir qədər əvvəl Telegram kanalları yerli sakinlərə istinadən Simferopol və Cankoyda hava hücumundan müdafiə sisteminin işi barədə məlumat yayıb.

Uzun mənzilli ATACMS raketləri mart ayında ABŞ-dan gizli şəkildə Ukraynaya ötürülüb. Bu barədə ilkin olaraq media məlumat yayıb. Ağ Ev daha sonra Ukrayna hakimiyyətinin tələbi ilə çatdırılmanın ictimaiyyətə açıqlanmadığını təsdiqləyib. Aprelin 17-də Ukrayna prezidenti Vladimir Zelenskinin sözlərinə görə, bu sinif raketləri Cankoydakı hərbi obyektə hücum edib.