Çexiya Prezidenti Petr Pavel ölkəni vahid Avropa valyutasını qəbul etməyə çağırıb.

“İki sahil”  xəbər verir ki, bu barədə RT məlumat yayıb.  

“Əgər biz ali liqalarda oynamaq istəyiriksə, o zaman avronu qəbul etmək məntiqlidir. Artıq avro ilə ödənişlərə keçən ölkələrin təcrübəsi təsdiqləyir ki, yalnız ondan istifadə etməyənlər narazıdır”, - deyə “novinky.cz” onun sözlərindən sitat gətirib.

Bundan əvvəl Beynəlxalq Valyuta Fondu bildirib ki, avro zonasının iqtisadi artımı artırmaq üçün iddialı fəaliyyətə ehtiyacı var.

Çexiyanın Aİ İşləri Nazirliyinin rəhbəri Martin Yorvak fevralda qeyd etmişdi ki, Avropa Komissiyası ilə ölkənin avro ilə ödənişlərə keçməsi şərtlərini müzakirə etməyə başlamaq lazımdır.