Dini Qurumlarla İş üzrə Dövlət Komitəsinin sədri Ramin Məmmədov Şəmkirdə vətəndaşları qəbul edəcək.

Komitədən "İki sahil"ə verilən məlumata görə, qəbul iyulun 9-da keçiriləcək.

Sədrin qəbulunda Tovuz, Qazax, Ağstafa, Şəmkir və Gədəbəy rayonlarından olan vətəndaşlar iştirak edə bilərlər.

Qəbul saat 11:00-da Şəmkir rayonundakı Heydər Əliyev Mərkəzində (ünvan: Şəmkir şəhəri, Heydər Əliyev prospekti, 5) keçiriləcək.

Komitənin fəaliyyət istiqamətlərinə uyğun olaraq qəbula gəlmək istəyən vətəndaşlardan Dövlət Komitəsinin Tovuz bölgəsi üzrə şöbəsinə (əlaqə vasitələri: (022) 315 38 91, (055) 300 99 82, [email protected], [email protected]) müraciət etmələri xahiş olunur.