ADEX-2024 beynəlxalq sərgisində Israel Aerospace Industries (IAI) dəniz silahları sahəsində "yer-yer" (SSM) tipli "Blue Spear" raketini təqdim edib.

“İki sahil” xəbər verir ki, yeni raketin əsas xüsusiyyətlərindən biri 290 kilometrə qədər olan məsafədir.

"Blue Spear" inkişaf etmiş radiofrekanslı özünüidarə edən başlıq (RF seeker) ilə təchiz olunub. Bu texnologiya düşmənin kinetik hücumlarını və radioelektron müdaxilələrini dəf edə bilir.

Bundan əlavə, sistem real vaxt rejimində kəşfiyyat kanalları vasitəsilə uçuş zamanı yeniləmələr alaraq, zərurət yaranarsa, raketin kursunu düzəltmə imkanı təqdim edir.