Misli Premyer Liqasında 10-cu turu çərçivəsində “Neftçi” “Səbail”ı qəbul edib.

“İki sahil”in məlumatına görə, “Sumqayıt”ı “Neftçi”yə dəyişən Samir Abbasovun debut oyununda hesabı meydan sahibləri açıb. Qarşılaşmanın 45+3-cü dəqiqəsində Ramil Şeydayev hesabı açıb. 58-ci dəqiqədə isə Dembo Darbo “ağ-qaralar”ın üstünlüyünü iki topa yeksəldib. O, 67-ci dəqiqədə özünün ikinci, “Neftçi”nin üçüncü qolunu vurub.

Yarışın 81-ci dəqiqəsində Edvin Kuç qırmızı vərəqə alaraq komandasını azlıqda qoyub.

Qarşılaşmanın 90+3-cü dəqiqəsində “Səbail”in futbolçu Samir Abdullayev buraxılan qollardan birinin əvəzini çıxıb.

Bununla da “Neftçi” mövsümdə ilk qələbəsini qazanıb.

Misli Premyer Liqası

10-cu tur

19 oktyabr (şənbə)

18:00. “Neftçi” 3-1 “Səbail”

Qollar: Ramil Şeydayev, 45+3 (1-0), Dembo Darbo 58 (2-0), Dembo Darbo 67 (3-0), Samir Abdullayev 90+3 (3-1)

Qırmızı vərəqə: Edvin Kuç, 81

Hakimlər: Rauf Cabarov, Eyyub İbrahimov, Rəhman İmami, Tural Qurbanov

VAR: Əliyar Ağayev

“Neftçi Arena”

Məhərrəm Ağalaroğlu, “İki sahil”