ABŞ-dakı McDonald's fast food şəbəkəsinin "Quarter Pounder" hamburgerlərində aşkar edilən Escherichia coli (E.coli) bakteriyasına görə xəstələnənlərin sayı 75-ə yüksəlib.

“İki sahil” xəbər verir ki, ABŞ-da beynəlxalq hamburger şəbəkəsi McDonald's adı ilə bağlı qida qalmaqalında balans hesabatı axtarır. ABŞ Qida və Dərman İdarəsinin (FDA) yaydığı məlumata görə, xəstələrdən 22-si xəstəxanaya yerləşdirilib. Bakteriyaya 13 ştatda - Kolorado, Kanzas, Yuta, Vayominq, Ayova, Missuri, Montana, Nebraska, Nyu-Meksiko, Oreqon, Viskonsin, Vaşinqton və Miçiqan rast gəlindiyi bildirilib.

ABŞ Xəstəliklərə Nəzarət və Qarşısının Alınması Mərkəzi (CDC) son açıqlamasında 1 nəfərin öldüyü bildirib. Açıqlamada xəstəliyə səbəb olan qida maddəsinin hələlik dəqiq müəyyən edilmədiyi, mütəxəssislərin doğranmış soğan və mal əti küftəsindən şübhələndiyi bildirilib.

Simptomların adətən bakteriyaların qəbulundan 3-4 gün sonra başladığını və əksər insanların 1 həftə ərzində sağaldığını xatırladan səlahiyyətlilər, yüksək hərarətin 38,8 dərəcədən yuxarı qalxması, ishal və ya 3 gündən çox davam edən qanlı ishal, qusma, ağız və boğazı quruluğu, eləcə də ayağa qalxarkən baş gicəllənməsi şikayəti olanların həkimə müraciət etmələri üçün xəbərdarlıq edib.

Normalda insan və heyvanların bağırsaq mühitində tapıla bilən "Enterohaemorrhagic Escherichia coli (EHEC)" kimi E.coli bakteriyalarının bəzi alt növləri həyat üçün təhlükəli xəstəliklərə səbəb ola bilər. Məlumdur ki, ən çox qida yolu ilə əldə edilən E.coli bakteriyaları 85 faiz nisbətində pis bişmiş və ya çiy ət, süd və süd məhsulları, yaxşı təmizlənməmiş tərəvəz və meyvələrdən ötürülür.

Məhərrəm Ağalaroğlu, “İki sahil”