“Öyrənmək və gördüklərimizi paylaşa bilmək həyəcanvericidir. Beləliklə, “İberostar Group” böyük bir qurumdur. Biz təxminən 14 ölkədəyik. 30 mindən çox işçimiz var. Bizim yanaşmamız, turizm sənayesində olduğu kimi, açıq şəkildə Scope 1 və 2 emissiyaların karbondan təmizlənməsi, eləcə də Scope 3-ün karbonsuzlaşdırılmasına təsir göstərməkdən ibarətdir. Amma mən işin yumşaldılması tərəfi üzərində dayanmaq istəmirəm. Mən işin uyğunlaşma tərəfinə keçmək istəyirəm, çünki düşünürəm ki, biz hazırda onunla məşğuluq. Bu həmişə işimizin qorxulu hissəsidir. Belə ki, sağlam okeanlardan asılıyıq. Biz sağlam sahil zolağından asılıyıq. Bu baxımdan bu gün iqlim dəyişikliyi ilə risk altındayıq. Bu bir reallıqdır ki, bəzilərimiz hələ də bunun biznes baxımından nə demək olduğunu ölçməmiş və ya çevirməmişik.”

Bu fikirləri “İberostar Group” şirkətinin qlobal dayanıqlılıq üzrə direktoru Erika Harms COP29 Azərbaycan Əməliyyat Şirkəti tərəfindən Yaşıl Zonada “Turizmdə iqlim fəaliyyətinin təkmilləşdirilməsi: innovativ həllər və gələcək addımlar” mövzusunda keçirilən panel müzakirə zamanı deyib.

Erika Harms məlumat verib ki, otellər şəbəkələrinə xas olan 14 alimdən ibarət komandanı idarə edir: “Biz ailə kimiyik və bu yola getmək üçün rəhbərliyimizdən ilham alırıq. Amma reallıqda biz onu da başa düşdük ki, bu, insanlara sərmayə qoymaq bizə həllərimizin və imkanlarımızın nədən ibarət olduğunu anlamağa kömək edəcək. Sizlə bölüşmək istədiyim üç addım var ki, mən hesab edirəm ki, bunu evdə də edirsiniz və ya bunu etmək üçün başqalarından istifadə edirsiniz. Biri riskinizi başa düşməkdir. Olduğunuz yerdə riskiniz nədir? Elmi əsaslı yanaşmadan istifadə edərək, nəyin doğru olduğunu müəyyən etmək lazımdır – hər yerdə investisiya etmək çox gözəldir, lakin əslində bütün otellər eyni dərəcədə təsirlənmir. Beləliklə, biz risk ölçmələri və riskləşdirməni yaratdıq və başa düşürük ki, məsələn, tək risk hamımızın bildiyi səviyyənin yüksəlməsi deyil.”

Orxan Vahidoğlu, “İki sahil”