Müasir Azərbaycan cəmiyyətində xristian icmasının özünəməxsus yeri vardır.

“İki sahil” xəbər verir ki, bu fikirlər Prezident İlham Əliyevin Roma Papası Fransiskə ünvanlandığı təbrik məktubunda əksini tapıb.

Dövlət başçısı qeyd edib ki, yüz illər boyu Azərbaycanda məskunlaşıb vahid ailə kimi yaşayan xristian vətəndaşlar Vətənlərinin ictimai-siyasi və sosial-mədəni həyatının bütün sahələrində yaxından iştirak edərək doğma ölkəmizin rifahına böyük töhfələr verirlər.

“Ərazimizdə mövcud olan qədim xristian irsi, məbədlər, kilsələr və digər ibadət yerləri, məscidlər və sinaqoqlar kimi eyni səviyyədə Azərbaycan dövləti tərəfindən mühafizə olunur. Ölkəmiz eyni zamanda dünya mədəni irsinin incilərindən sayılan xristian abidələrinin qorunmasında fəal rol oynayaraq mədəniyyətlərarası dialoqu təşviq edir”, - Prezident vurğulayıb.