"Real" "Liverpul"un cinah müdafiəçisi Trent Alexander Arnold ilə şəxsi müqavilənin şərtlərini razılaşdırıb.
“İki sahil” xəbər verir ki, bu barədə AS nəşri məlumat yayıb.
İngilis futbolçunun İspaniya nəhənginə keçidinin 90 faiz tamamlandığı bildirilib. Hazırda yalnız Aleksander Arnoldun müqavilədəki imzası çatışmır. Qaydalara görə, o, yanvarın 1-dən sonra müqavilə imzalaya bilər.
Bu mövsüm Aleksander Arnold bütün turnirlərdə 22 matçda iştirak edib və 5 qol ötürmə edib. Transfermarkt portalında futbolçunun bazar dəyəri 75 milyon avrodur.
