Federal Təhqiqat Bürosunun (FTB) əməliyyatçıları ABŞ-nin Virciniya ştatında ölkə tarixində ən böyük partlayıcı qurğuların olduğu anbarı aşkar ediblər.
“İki sahil” xəbər verir ki, bu barədə CBS kanalı məlumat yayıb.
Məlumata görə, gizli anbarda 150-dən çox istifadəyə hazır əldəqayırma partlayıcı qurğu tapılıb.
"FTB ərazidə 150-dən çox partlayıcı qurğu aşkar edib ki, bu da ilkin qiymətləndirmələrə görə, tarixdə hazır partlayıcı qurğuların ən böyük müsadirəsi olub", - prokurorun məhkəməyə müraciətində qeyd olunub.
Həbs edilən Bred Spafford odlu silahın qanunsuz saxlanılmasına görə tutulub - daha sonra onun Ayl-of-Uayt dairəsindəki fermasında axtarış aparılıb.
Təxminən səkkiz hektar ərazinin yoxlanılması nəticəsində Federal Təhqiqat Bürosunun əməliyyatçıları rekord sayda hazır partlayıcı maddə aşkar ediblər.
