“Real” İspaniya La Liqasında unikal statistik nailiyyətə imza atıb. 

“İki sahil” xəbər verir ki, bu, İspaniya çempionatının 12-ci turunun  “Valensiya” ilə təxirə salınan və dünən keçirilən səfər matçındakı qələbə (2:1) sayəsində baş verib.

“Marca” nəşrinin hesablamalarına görə, “Kral klubu” yüksək divizionda bütün tarixi ərzində 5002 xal toplayıb. Madrid təmsilçisi 5000 xallıq statistik zolağı keçən ilk klub olub. 

Hazırda bu uğuru təkrarlamağa ən yaxın komanda “Real”ın əzəli rəqibi “Barselona”dır. Kataloniya klubu İspaniya yüksək liqasında indiyək 4887 xal yığıb. Bu reytinqdə üçüncü yeri isə 4018 xalla “Atletiko” (Madrid) tutur.