Goranboyda silah-sursat aşkarlanıb.

“İki sahil” xəbər verir ki, Goranboy Rayon Polis Şöbəsinə rayonun Aşağı Ağcakənd qəsəbəsi və Ağcakənd kəndi ərazisində silah-sursat olması barədə məlumat daxil olub.

Polis əməkdaşları həmin ünvanlara gedərək müvafiq tədbirlər həyata keçirib və ümumilikdə 2 ədəd “Kalaşnikov” markalı avtomat, 3 ədəd avtomat darağı, 60 ədəd 7.62 kalibrli patron və 100 ədəd RPK patronu aşkar edərək götürüblər.

Aşkar edilən silahlar müvafiq ekspertizaya təqdim olunub, faktla bağlı araşdırmalar davam etdirilir.