Portuqaliya millisinin və "Portu" klubunun qapıçısı Dioqu Koşta İngiltərə təmsilçisi "Mançester Siti"yə transfer oluna bilər.

“İki sahil” "Football Transfers"ə istinadən xəbər verir ki, Premyer Liqa klubu portuqaliyalı qapıçı ilə yaxından maraqlanır.

"Şəhərlilər" qolkiperi braziliyalı Edersonun əvəzləyicisi kimi nəzərdən keçirirlər. Qapıçı ilə "Portu" arasındakı hazırkı müqavilənin müddəti 2027-ci ilin ortalarına qədərdir. "Transfermarkt" portalı onun dəyərini 40 milyon avro qiymətləndirir.

Qeyd edək ki, D.Koşta cari mövsümdə 24 oyun keçirib və bunların 13-ündə qapısını toxunulmaz saxlayıb.