“Rusiya və ABŞ Ukraynanın hərbi neytrallığı barədə razılığa gələ bilər”.

“İki sahil” xəbər verir ki, bunu Slovakiyanın vitse-spikeri Tibor Qaspar “TASS”a müsahbəsində deyib.

O, Rusiya Prezidenti Vladimir Purinlə ABŞ-nin yeni seçilmiş dövlət başçısı Donald Tramp arasında əldə oluna biləcək razılaşmaları dəstəklədiyini bildirib:

“Baş nazirimiz Robert Fiko əminliklə bildirdi ki, biz Ukraynanın NATO-ya daxil olmasını dəstəkləməyəcəyik. Biz həm Rusiya, həm də Avropa İttifaqı (Aİ) üçün təhlükəsizlik baxımından təminat nəzərdə tutan həllərin tərəfdarıyıq”.

Vitse-prezident, həmçinin Şərqi Avropadakı müharibənin qızışdırıldığını və rəsmi Moskvanın Kiyevin bəzi təxribatçı addımlarına cavab verdiyini diqqətə çatdırıb.

Qeyd edək ki, Tramp yanvarın 10-da Putinlə mümkün görüşə hazırlıq barədə məlumat verib. Rusiya liderinin mətbuat katibi Dmitri Peskov qeyd edib ki, Putin heç bir ilkin şərt olmadan Trampla görüşməyə hazırdır.