Beynəlxalq depozitar təşkilatı "Euroclear" mart ayında Ukrayna üzrə Avropa Fonduna təxminən 2 milyard avro məbləğində ikinci ödəniş etməyi planlaşdırır.

“İki sahil” xəbər verir ki,  bu barədə "Euroclear"ın rəsmi saytında bildirilir.

İyun ayında Aİ xarici işlər nazirləri Rusiyanın dondurulmuş aktivlərindən əldə olunan gəlirləri Ukrayna üçün silah almaq fonunda köçürməyə razılaşıblar. "Euroclear" iyul ayında təxminən 1,55 milyard avro məbləğində ilk transferini həyata keçirib.

Ümumilikdə, 2023-cü ildə depozitar bloklanmış Rusiya aktivlərinə investisiya qoymaqdan 6,9 milyard avro faiz gəliri əldə edib, vergi endirimləri isə 1,7 milyard avro təşkil edib.

"Euroclear"ın məlumatına görə, 2024-cü ildə sanksiyalar və Rusiyanın cavab tədbirləri səbəbindən təşkilat 94 milyon avro xərc çəkib və 27 milyon avro biznes gəliri itirib.