Dünyaca məşhur kolumbiyalı müğənni Şakira qarın nahiyəsində narahatlıq hissi keçirdiyi üçün Peruda xəstəxanaya yerləşdirilib.

“İki sahil” xəbər verir ki, Şakira səhhəti ilə bağlı deyib: "Dünən axşam qarın ağrısı səbəbiylə təcili yardıma getməli olduğumu və hazırda xəstəxanada olduğumu təəssüflə bildirirəm. Həkimlər bu axşam evə buraxılmayacaq qədər yaxşı olmadığımı söylədi. Ümid edirəm ki, sabah daha yaxşı olacağam və sizlər üçün hazırladığım şounu təqdim etmək üçün ən qısa zamanda xəstəxanadan çıxacağam".

Şakira ötən həftə Braziliyada başlayan turne çərçivəsində 10 ildən sonra ilk dəfə Perunun paytaxtı Limada çıxış etməli idi.

Məhərrəm Ağalaroğlu, “İki sahil”