Azərbaycan və Monteneqro enerji sahəsində əməkdaşlığın gücləndirilməsini müzakirə ediblər.

“İki sahil” xəbər verir ki, bu məsələ Azərbaycanın Serbiyadakı səfiri Kamil Xasiyevlə Monteneqronun dağ-mədən sənayesi, neft və qaz naziri Admir Şahmanoviç arasında keçirilən görüşdə müzakirə olunub.

"Monteneqroya səfərim çərçivəsində dağ-mədən sənayesi, neft və qaz naziri Admir Şahmanoviç ilə görüşməyimə şadam. Biz ikitərəfli enerji əməkdaşlığı və əlaqələrimizin möhkəmləndirilməsi ilə bağlı səmərəli müzakirələr apardıq", - azərbaycanlı diplomat “X” sosial şəbəkəsindəki hesabında paylaşım edib.