Azərbaycan və Xorvatiya arasında "yaşıl enerji" sahəsində əməkdaşlıq imkanları müzakirə edilib. 

“İki sahil” xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib. 

Onun sözlərinə görə, müzakirələr Xorvatiyanın ətraf mühitin mühafizəsi və yaşıl keçid naziri Mariya Vuçkoviçlə görüşdə baş tutub. 

"Görüşdə ölkələrimizin mühüm tərəfdaşlıq istiqaməti olan energetika sahəsində birgə fəaliyyətin şaxələndirilməsi barədə fikir mübadiləsi apardıq. “Yaşıl enerji"yə keçid və səmərəli iqlim fəaliyyətini dəstəkləyən təşəbbüslər üzrə əməkdaşlıq imkanlarını nəzərdən keçirdik,” – deyə nazir qeyd edib.