Fransanın Puassi şəhərində ana iki oğlu ilə birlikdə liseyin ərazisinə daxil olub.

“İki sahil” xəbər verir ki, bu barədə “Parisien” nəşri məlumat yayıb.

"Bıçaqla silahlanmış bu üç şəxs cümə günü günorta saatlarında Puassidəki Le Korbüzye liseyinin həyətinə daxil olaraq şagirdlərdən biri ilə mübahisəni həll etmək niyyətində olub", - məlumatda bildirilib.

Qeyd olunub ki, polis ananı və qardaşlardan birini saxlaya bilib. Digər qardaş qaçmağa müvəffəq olub.

Şəhərin meri Sandrin Dos Santos lisey ətrafında baş verən insidentlərlə bağlı narahatlığını ifadə edib. Onun sözlərinə görə, yanvar ayından bəri bir neçə zorakılıq və oğurluq hadisəsi qeydə alınıb.