"Turan Tovuz” üçün yeni baza inşa olunacaq.
“İki sahil” xəbər verir ki, bunun üçün şəhər stadionunun yaxınlığında 2 hektar ərazi ayrılıb.
Bu gün Tovuz şəhər stadionunda yeni inşa olunmuş əsas korpus binasının açılışı mərasimindən sonra “Turan Tovuz”un İdarə Heyətinin sədri Ehtiram Quliyev, AFFA-nın baş katibi Cahangir Fərəcullayev, Peşəkar Futbol Liqasının Texniki İdman Şöbəsinin rəisi Elgiz Abbasov və digər rəsmi şəxslər əraziyə baxış keçiriblər.
Qeyd olunub ki, bu ərazidə “Turan Tovuz” üçün yeni baza inşa ediləcək. Baza bir neçə məşq meydançası və iki oteldən ibarət olacaq.
