Bu gün Azərbaycan Həmkarlar İttifaqları İdman Təşkilatları Assosiasiyasının (AHİTA) inzibati binasında Azərbaycan Karate Federasiyasının nümayəndələri ilə AHİTA rəhbərliyi arasında görüş keçirilib. Görüşdə iki qurum arasında əməkdaşlıq, birgə layihələr və qarşılıqlı tədbirlərin təşkili müzakirə edilib.

“İki sahil” xəbər verir ki, Azərbaycan Karate Federasiyasının baş katibi Qabil Sayadov çıxış edərək federasiyanın fəaliyyət istiqamətləri, həmkarlar ittifaqları ilə əməkdaşlığın əhəmiyyəti və karate idman növünün inkişaf perspektivlərindən danışıb. AHİTA İB-nin direktoru Tural Qasımov isə idmanın həmkarlar ittifaqları çərçivəsində rolu və idmançıların dəstəklənməsi üçün görüləcək işlər barədə fikirlərini bölüşüb.

Qeyd olunub ki, AHİTA idmanın inkişafına və idmançılarımızın dəstəklənməsinə hər zaman önəm verir. Bu əməkdaşlıq çərçivəsində həyata keçiriləcək layihələr idmançılar üçün yeni imkanlar yaradacaq.