Ötən həftə İraqın ABŞ-a neft ixracı artıb.

Məlumatı ABŞ Enerji İnformasiya Administrasiyası (EIA) bazar günü açıqlayıb.

Məlumata görə, ABŞ-ın on əsas ölkədən orta xam neft idxalı əvvəlki həftənin orta göstəricisi olan 4,673 milyon bareldən 975 min barel artaraq gündəlik 5,648 milyon barelə çatıb.

İraqın ABŞ-a neft ixracı keçən həftə orta hesabla sutkada 203 min barel olub, Səudiyyə Ərəbistanının eyni dövrdə orta hesabla 144 min barel olan ixracını üstələyib.

Kanada 3,983 milyon barellə lider ixracatçı olaraq qalır. ABŞ Meksikadan 393 min barel, Braziliyadan 241 min barel və Venesueladan 195 min barel, Kolumbiyadan sutkada 190 min barel, Ekvadordan 127 min, Liviya və Nigeriyadan isə 86 min barel xam neft idxal edib.

Nubar Süleymanova, “İki sahil”