"Biz ABŞ-la ticarət maneələrinin aradan qaldırılması üzrə danışıqlara çağırırıq. Lakin biz hərəkətə keçməyə hazırıq. İlk cavab tədbirləri paketini tamamlamağa yaxınıq və danışıqlar uğursuz olarsa, onları tətbiq etməyə hazırıq".

“İki sahil” xəbər verir ki, bunu Avropa Komissiyasının sədri Ursula fon der Leyen deyib.

"Prezident Trampın qərarından dərin təəssüflənirəm. Qlobal iqtisadiyyat böyük zərər görəcək, nəticələr bütün dünya ölkələri üçün fəlakətli olacaq və ən həssas insanlara ağır zərbə vuracaq".

Avropa Komissiyasının rəhbəri cəmiyyətdə birliyə və avropalı istehsalçıların müdafiəsinə çağırıb.

Məhərrəm Ağalaroğlu, “İki sahil”