ABŞ administrasiyası yeni tariflər tətbiq etdikdən sonra da Yeni Zelandiya Birləşmiş Ştatlarla güclü ticarət və iqtisadi əlaqələri davam etdirəcək.

“İki sahil” xəbər verir ki, bu barədə Yeni Zelandiyanın ticarət naziri Todd Makkley bildirib.

"Yeni Zelandiya ixracatçıları 10 faizlik tarif dərəcəsi ilə üzləşəcək, lakin buna baxmayaraq, biz ABŞ bazarında digər ixracatçılarla rəqabət qabiliyyətimizi qoruyub saxlayacağıq. Bu tariflər əsasən istehlakçılara ötürüləcək əlavə xərclər yaratsa da, Yeni Zelandiya daha yüksək tarif dərəcələri ilə üzləşən bir çox digər ölkələrdən daha yaxşı vəziyyətdə qalacaq", - Makkley bildirib. O əlavə edib ki, Yeni Zelandiyanın ABŞ ilə ikitərəfli əlaqələri güclü olaraq qalacaq.

Nazir həmçinin qeyd edib ki, Yeni Zelandiya azad ticarətdə maraqlıdır və buna görə də “Avropa İttifaqı, Böyük Britaniya, BƏƏ, Körfəz ölkələri və Hindistana mal tədarük edən istehsalçılarımız üçün yeni imkanlar yaratmağa və maneələri aradan qaldırmağa davam edəcək: "Biz həmçinin qaydalara əsaslanan ticarət sistemini müdafiə etməyə davam edəcəyik".

Məhərrəm Ağalaroğlu, “İki sahil”