Azərbaycan neftini dünya bazarlarına çıxaran boru xətlərindən biri - Qərb İxrac Boru Kəmərinin (QİBK) və Supsa terminalının rəsmi istifadəyə verilməsindən 26 il ötür.

“İki sahil” xəbər verir ki, QİBK Azərbaycanda Səngəçal terminalından başlayaraq Gürcüstanda Supsa terminalına qədər uzanır. Kəmər vasitəsilə Xəzərdəki neft yataqlarından Qara dəniz sahilinə nəql edilən xam neft Bosfor boğazından keçməklə Avropa bazarlarına yola salınır. Bu boru kəməri vasitəsilə dövrün əvvəlindən 100 milyon tona yaxın neft nəql edilib.