Cari ilin yanvar-mart ayları ərzində Azərbaycan Respublikası Dövlət Neft Fondunun (ARDNF) neft və qaz sazişlərinin həyata keçirilməsi ilə bağlı gəlirləri 3 milyard 17,2 milyon manat, o cümlədən, mənfəət neftinin və qazın satışından 2 milyard 251,9 milyon manat, bonus ödənişləri və tranzit gəlirləri 765,3 milyon manat təşkil edib.

“İki sahil” xəbər verir ki, bu barədə ARDNF-nin 2025-ci ilin yanvar-mart ayları üzrə gəlir və xərclərinə dair məlumatında bildirilib.

Sözügedən dövr ərzində ARDNF-yə “Azəri-Çıraq-Günşəli” yatağından 2001,6 milyon manat, “Şahdəniz” yatağından isə 181,9 milyon manat məbləğində vəsait daxil olub.