Azərbaycanın bədii gimnastika üzrə gənclərdən ibarət qrup hərəkətləri komandası Bakıda keçirilən Avropa Kubokunda iki bürünc medal qazanıb.

“İki sahil” xəbər verir ki, Nəzrin Abdullayeva, Ayan Nəsirova, Nəzrin Salmanlı, İlahə Bahadırova, Şəms Müvəffəqi və Nilufər Orucludan ibarət kollektiv 5 halqa və 5 gürz proqramlarının hər birində fəxri kürsünün üçüncü pilləsinə qalxıb.

Qeyd edək ki, 25 ölkədən 170-dən çox gimnastın iştirak etdiyi turnirə bu gün yekun vurulacaq.