Müasir həyat çox çətindir. İnsanlar demək olar ki, hər gün stress altında yaşamalı olurlar. İstər işsizlik, istər çox işləmək, istərsə də ailə-məişət problemləri və s. güclü stress yaradır. Bəzi insanlar "stress" sözünü çox təvazökarcasına istifadə edirlər, halbuki əslində bu, çox təhlükəli və hətta ölümcül ola bilər.

Stressin fiziki sağlamlığa necə zərər verə biləcəyini öyrənmək üçün aşağıdakı məlumatlara nəzər sala bilərsiniz:

İdman etməmək

Stress enerji səviyyənizi azalda bilər, özünüzü tükənmiş hiss edərək məşq etmək üçün heç bir motivasiyanız olmaya bilər.

Çəki artımı

Metabolik sindrom mərkəzi piylənmə kimi də tanınır. Stress yaşayan insanlarda bunun inkişaf riski daha yüksəkdir.

Baş ağrıları

Stress, gərginlik baş ağrılarının bir nömrəli səbəbidir. Bu baş ağrıları yüngül və orta dərəcədə olsa da, yenə də çox xoşagəlməz ola bilər.

İnfarkt riski

Stress qan təzyiqində dalğalanmalara və yüksəlmələrə səbəb ola bilər ki, bu da infarkta zəmin yaradır.

Yuxu problemləri

Stress hissi gecələr düzgün yatmağınıza mane ola bilər. Bundan narahat olmaq problemi daha da dərinləşdirir.

Mədə problemləri

Stress turşuluğun artması və mədə yanması ilə bağlı problemlərə səbəb ola bilər. Bu, öz növbəsində, mədə xorası kimi daha ciddi problemlərə gətirib çıxarır.

Diabet riski

Stresslə əlaqəli yemək istəyi nə qədər çox olarsa, qan şəkərinizin səviyyəsini artırma ehtimalınız bir o qədər yüksəlir ki, bu da tip 2 diabetin inkişaf riskini artıra bilər.

Asılılıq

İnsan nə qədər stresli olarsa, siqaret çəkmək və ya həddindən artıq içki içmək kimi asılılıq yaradan davranışlara daha çox meyilli ola bilir.

Demensiya

Əgər orta yaşda stressə çox meyilli olmusunuzsa, yaşlandıqd demensiyanın inkişaf etməsi ehtimalı daha yüksəkdir.

Saç tökülməsi

Stress saçlara böyük təsir göstərə bilər. Həm böyüməsini ləngidə bilər, həm də saç tökülməsinə kömək edən amildir.

Depressiya

Yüksək səviyyəli stress depressiya və narahatlıq səviyyələrini gücləndirən əsas amil ola bilər və panik pozğunluğuna səbəb ola bilər.

Ağrı

Stress hətta ağrı səviyyələrinə müdaxilə edə bilər. Bədəndəki stimul səviyyələrini şişirdə bilər və ağrı hisslərini gücləndirə bilər.

Xəstəliyə meyil

Artan stress səviyyələri, xəstəliklərlə mübarizədə çox vacib olan ağ qan hüceyrələrinin səviyyəsinə zərərli təsir göstərə bilər.

İstilənmə

Xroniki stress ümumiyyətlə tərləməni artıra bilər və bu, menopozdan keçən qadınlarda daha aydın görünür.

Boğazda şiş

Stress yaşayan insanlar boğazlarında şiş hiss edə bilərlər. Heç bir şey yoxdur, ancaq stress bəzən boğaz əzələlərinin sıxılmasına səbəb olur, bu da belə bir hiss yaradır.

Xərçəng

Stress bədənə hüceyrə səviyyəsinə qədər təsir göstərir. Buna görə də stress bədxassəli şişlərin böyüməsinə səbəb ola bilər.

Genetika

Stress hətta genetik kodunuzu dəyişə bilər. Nə qədər qəribə görünsə də, stress genləri aktivləşdirərək və hüceyrə böyüməsini pozaraq işləyir.

Nubar Süleymanova, “İki sahil”