Rusiyaya qarşı yeni sanksiyalar paketi çərçivəsində Avropa İttifaqı ayrı-ayrı Rusiya banklarına, gəmi və gəmiçilik şirkətlərinə, həmçinin enerji sektoruna məhdudiyyətlər qoya bilər.

“İki sahil” xəbər verir ki, bu barədə “Bild” qəzeti hökumət dairələrindəki mənbələrə istinadən məlumat yayıb.

Məlumata görə, Aİ Rusiya qazının tədarükündən tamamilə imtina etməyi planlaşdırır. Nəşr yazır ki, Avropa İttifaqı hazırda LNG-nin demək olar ki, 20%-ni Rusiyadan alır. Bild mənbələri iddia edir ki, bu ölkələr Rusiyadan atom elektrik stansiyaları üçün uran idxalını məhdudlaşdırmaq üçün Fransa ilə də danışıqlar aparır.

Bu gün Fransanın xarici işlər naziri Jan-Noel Barrot Aİ səfirlərinin Rusiyaya qarşı 17-ci sanksiyalar paketini təsdiqlədiyini açıqlayıb. "Reuters" xəbər verir ki,  məhdudiyyətlər Rusiya neftinin daşınması üçün nəzərdə tutulan kölgə donanmasına təsir edəcək. "EUobserver" sanksiyaların 149 gəmiyə təsir edəcəyini yazıb.