Hindistanda üç gün ərzində 11 nəfər Pakistanın xeyrinə casusluq ittihamı ilə həbs edilib.

“İki sahil” xəbər verir ki, bu barədə “India Today” məlumat yayıb. 

Həbslər casusluq fəaliyyətinin qarşısını almaq üçün ümummilli kampaniyanın bir hissəsi kimi həyata keçirilib.

Hindistan səlahiyyətlilərinin bildirdiyinə görə, təqsirləndirilən şəxslər pul mükafatları və Pakistana səfərləri zamanı şəxsən sosial şəbəkələr və mesajlaşma proqramları da daxil olmaqla casus şəbəkəsinə cəlb ediliblər. Telekanal aydınlaşdırır ki, saxlanılanların hamısı 20-30 yaş arasındadır. Həbslər üç ştatda - Haryana, Pəncab və Uttar Pradeşdə həyata keçirilib.

NDTV-nin verdiyi məlumata görə, saxlanılanlar arasında iki dəfə Pakistana səfər etmiş səyahət bloggeri Jyoti Malhotra, həmçinin siyasi elmlər üzrə oxuyan tələbə, mühafizəçi və iş adamı Şahzad da var.