ABŞ və Azərbaycan enerji sənayesinin gələcəyi istiqamətində birgə əməkdaşlıq imkanlarını müzakirə edib.
“İki sahil” xəbər verir ki, bu barədə ABŞ səfirliyinin sosial şəbəkə hesabında məlumat verilib.
Məlumata görə, bu barədə müzakirələr ABŞ Dövlət Departamentinin Baş müşaviri Vayet Toulkinin Azərbaycan Dövlət Neft Şirkətinin (SOCAR) nümayəndələri ilə görüşündə aparılıb.
Bildirilib ki, enerji sahəsində iki ölkə arasında mövcud olan güclü tərəfdaşlıq üzərində qurulan əməkdaşlığın davam etdirilməsi həm Cənubi Qafqazda, həm də ABŞ-də iqtisadi inkişaf və rifahın təmin olunmasına xidmət edəcək.
