Ulu Öndər Heydər Əliyevin Azərbaycan tarixindəki misilsiz rolu üç əsas amilə söykənirdi: xalqın ona olan sarsılmaz inamı, onun şəxsiyyətinin böyüklüyü və Vətənə olan sonsuz sevgisi.

Heydər Əliyev xalqın etimadını qazanmışdı. Onun rəhbərliyi dövründə Azərbaycan inkişaf etmiş, xalqın rifahı yüksəlmişdi. 1993-cü ildə ölkə siyasi böhran içində olarkən, xalqın tələbi ilə hakimiyyətə qayıtdı və sabitlik bərpa olundu. Bu, xalqın ona olan inamının bariz nümunəsidir.Ulu Öndərin dərin zəkası, strateji düşüncə qabiliyyəti və prinsipiallığı ilə seçilirdi. Onun rəhbərliyi ilə Azərbaycan beynəlxalq aləmdə tanındı, iqtisadi və siyasi sahələrdə mühüm nailiyyətlər əldə olundu. O, milli maraqları hər zaman üstün tutaraq, ölkənin müstəqilliyini qorudu.

Heydər Əliyev həyatını Azərbaycan xalqına həsr etmişdi. Onun bütün fəaliyyəti Vətənin inkişafına yönəlmişdi. O, xalqın rifahı, ölkənin müstəqilliyi və ərazi bütövlüyü uğrunda yorulmadan çalışdı.

15 İyun – Azərbaycan tarixində dönüş nöqtəsi olan və xalqın yaddaşında qurtuluş günü kimi həkk olunan şanlı gündür. 1993-cü ilin məhz bu günü ölkə ağır siyasi, iqtisadi və ictimai böhranla qarşı-qarşıya qalmışdı. Hakimiyyətsizlik, daxili çəkişmələr və anarxiya dövlətin çökmə həddinə çatmasına səbəb olmuşdu. Bu kritik vəziyyətdə xalqın israrlı tələbi ilə Ulu Öndər Heydər Əliyev yenidən siyasi hakimiyyətə qayıtdı.

Heydər Əliyevin Azərbaycan Ali Sovetinin sədri seçildiyi 15 iyun 1993-cü il tarixindən etibarən ölkədə sabitlik yaranmağa başladı. Onun uzaqgörən siyasəti, liderlik bacarığı və xalqla qurduğu güclü bağ sayəsində qısa zamanda təhlükəli proseslər nəzarət altına alındı. Milli dövlətçiliyin əsasları möhkəmləndirildi, hüquqi islahatlara start verildi və ordu quruculuğu istiqamətində mühüm addımlar atıldı.

Bu tarixi gün sadəcə siyasi böhranın sonu deyil, həm də Azərbaycan dövlətçiliyinin yeni mərhələsinin başlanğıcı oldu. Bu gün müstəqil Azərbaycanın əldə etdiyi bütün uğurların təməlində məhz bu tarixi dönüş dayanır.

Ülvi Abbasov,
YAP-Xətai rayon təşkilatı məsləhətçisi