1991-ci ildə Azərbaycan müstəqilliyini bərpa etdikdən sonra ölkə qarşısında duran əsas vəzifə dövlətçiliyin möhkəmləndirilməsi və ictimai-siyasi sabitliyin təmin olunması idi. Lakin 1992-ci ildə Azərbaycan Xalq Cəbhəsi (AXC) və Müsavat Partiyasının hakimiyyətə gəlməsi ilə bu məqsədlərə nail olmaq əvəzinə, ölkədə siyasi xaos və idarəetmə böhranı daha da dərinləşdi.
AXC-Müsavat cütlüyünün hakimiyyəti dövründə dövlət idarəçiliyində ciddi səriştəsizliklər müşahidə olunurdu. Təcrübəsiz kadrların yüksək vəzifələrə təyin olunması, hüquq-mühafizə orqanlarının zəifləməsi və ordu quruculuğunda nizamsızlıq ölkədə anarxiya və hüquqi nihilizmin yayılmasına səbəb oldu. Bu dövrdə Ermənistanla davam edən Qarabağ müharibəsində ciddi uğursuzluqlar yaşandı, torpaqların işğalı davam etdi və minlərlə insan qaçqın və məcburi köçkün vəziyyətinə düşdü.
İqtisadi sahədə də vəziyyət acınacaqlı idi. İnflyasiya sürətlə artır, əhalinin sosial rifahı aşağı düşür, işsizlik və yoxsulluq geniş vüsət alırdı. Dövlət aparatının zəifliyi və korrupsiya halları ictimai narazılığı daha da artırırdı.
1993-cü ilin iyun ayında Gəncədə baş verən qiyam və ölkədə yaranan siyasi böhran nəticəsində AXC-Müsavat hakimiyyəti iflic vəziyyətə düşdü. Bu şəraitdə xalqın təkidli tələbi ilə Heydər Əliyev Bakıya dəvət olundu və 15 iyun 1993-cü ildə Azərbaycan Ali Sovetinin sədri seçildi. Bu tarix sonradan Milli Qurtuluş Günü kimi qeyd olunmağa başlandı.
Heydər Əliyevin hakimiyyətə qayıdışı ilə ölkədə siyasi sabitlik bərpa olundu, dövlət idarəçiliyində islahatlara start verildi və ordu quruculuğu sahəsində ciddi addımlar atıldı. Onun uzaqgörən siyasəti və təcrübəsi sayəsində Azərbaycan beynəlxalq aləmdə öz mövqeyini möhkəmləndirdi və iqtisadi inkişaf yoluna qədəm qoydu.
Azərbaycanın müstəqilliyini və dövlətçiliyini ciddi təhlükə altına atmışdı. Lakin 15 iyun 1993-cü ildə Heydər Əliyevin hakimiyyətə qayıdışı ilə ölkə bu təhlükədən xilas oldu və inkişaf yoluna qədəm qoydu. Bu səbəbdən 15 iyun tarixi Azərbaycan xalqı üçün Milli Qurtuluş Günü kimi əlamətdar və unudulmaz bir gündür.
Y. Məmmədova,
YAP Xətai rayon təşkilatı məsləhətçisi
