Gürcüstanda elektrik istehlakı ildən-ilə artır. Artan tələbatı ödəmək üçün ölkədə yaşıl enerji obyektlərinin tikintisi planlaşdırılır.

“İki sahil” xəbər verir ki, bu barədə Gürcüstanın Elektrik Bazarı Operatorunun (ESCO) saytında məlumat verilir.

Mütəxəssislərin fikrincə, 2030-cu ilə qədər ölkə ciddi enerji çatışmazlığı ilə üzləşə bilər, çünki o vaxta qədər elektrik enerjisi istehlakı təxminən 73 faiz artaraq 22 milyard kilovat-saata çatacaq.

Qonşu ölkələrdən enerji asılılığını azaltmaq üçün hakimiyyət yerli bərpa olunan mənbələrdən maksimum istifadə etməyə çalışır. Operatorun məlumatına görə, hazırda ölkədə Qori şəhəri (Şərqi Gürcüstan) yaxınlığındakı Kartli külək stansiyası 2016-cı ildən fəaliyyət göstərir, onun gücü 20 MVt-dır. Kartli külək stansiyası 2025-ci ilin yanvar-aprel aylarında 25,54 milyon kilovat-saat elektrik enerjisi istehsal edib ki, bu da 2024-cü ilin eyni dövrü ilə müqayisədə 6,9 faiz azdır.

Alternativ enerji mənbələrinə keçid Gürcüstan hökuməti üçün mühüm istiqamətdir. Ölkə günəş və külək enerjisinin enerji sisteminə inteqrasiyasını artırmağı planlaşdırır. Elektrik istehlakının illik artımı ilə əlaqədar ekspertlər hesab edirlər ki, Gürcüstan 2030-cu ilə qədər ciddi enerji çatışmazlığı ilə üzləşə bilər. Bununla əlaqədar ölkədə növbəti üç il ərzində ümumi gücü 1,5 min meqavat olan elektrik stansiyalarının tikintisinə hərrac yolu ilə yardım daxil olmaqla bərpa olunan enerjinin dəstəklənməsi sxemi hazırlanıb.

Hökumət sənayenin inkişafını sürətləndirməyi planlaşdırır, bunun üçün yaxın iki-üç ildə 3-4 milyard dollar investisiya cəlb olunacaq.

Bərpa olunan enerjinin inkişafı sxemi CFD müqaviləsi adlanan qiymətlər arasındakı fərqin razılaşdırılması ilə elektrik stansiyasının istismara verilməsindən sonra 15 il ərzində enerji layihələrinə dövlət dəstəyini nəzərdə tutur.

Məlumat üçün qeyd edək ki, Gürcüstanda elektrik enerjisi istehlakı 2025-ci ilin yanvar-aprel aylarında 2024-cü ilin eyni dövrü ilə müqayisədə 3,5 faiz artaraq 4,9 milyard kilovat-saat təşkil edib. Dörd ayda 3,9 milyard kilovat-saat elektrik enerjisi istehsal edilib ki, bu da 2024-cü ilin yanvar-aprel ayları ilə müqayisədə 9,8 faiz azdır.

İstehsal olunan enerjinin böyük hissəsi su elektrik stansiyalarının payına düşür – 2,9 milyard kilovat-saat. İstilik elektrik stansiyalarında 965,63 milyard kilovat-saat istehsal edilib.