Ukraynanın paytaxtı Kiyevə Rusiyanın gecə hücumu nəticəsində ən azı 19 nəfər xəsarət alıb.
“İki sahil” xəbər verir ki, bu barədə mer Vitali Kliçko öz "Telegram" kanalında bildirib.
Onun sözlərinə görə, xəsarət alan beş nəfər ambulator yardım alır.
"Düşmənin Kiyevə gecə hücumu nəticəsində paytaxtın 19 sakini xəsarət alıb. Beş nəfər ambulator yardım alır, 14 nəfər isə xəstəxanaya yerləşdirilib", - deyə Kliçko yazıb.
Hücum nəticəsində, həmçinin dəmir yolu infrastrukturu zədələnib, bəzi rayonlarda düşən raket qalıqları yanğınlara səbəb olub.
