İyulun 23-dək temperatur rejimində mühüm dəyişiklik gözlənilmir.
“İki sahil” xəbər verir ki, bu barədə Milli Hidrometeorologiya Xidmətindən məlumat verilib.
Bildirilib ki, ötən günlərdə olduğu kimi, havanın maksimal temperaturunun Bakıda və Abşeron yarımadasında 35-40 dərəcəyə yaxın, Naxçıvan Muxtar Respublikasında, eyni zamanda, Aran rayonlarında 36-40, bəzi yerlərdə 41, dağlıq rayonlarda isə 33 dərəcəyədək isti olacağı gözlənilir.
