"Nissan" 2007-ci ildə başlayan R35 nəsil GT-R idman avtomobilinin istehsalını dayandırıb.
“İki sahil” xəbər verir ki, bu barədə "Kommersant" məlumat yayıb.
Konveyerdən çıxan sonuncu avtomobil əlamətdar Midnight Purple rəngində kuzovu olan GT-R T-Spec Premium Edition olub və Yaponiyada bir müştəri üçün nəzərdə tutulub.
Cəmi 18 il ərzində Nissan təxminən 48.000 GT-R istehsal edib.
Nissan GT-R-nin Şimali Amerika bazarı üçün istehsalı 2024-cü ilin oktyabrında başa çatıb. O, bəzi bazarlarda müəyyən yerli qaydalara uyğunluq problemlərinə görə dayandırılıb. GT-R-nin satışı Avstraliya və Yeni Zelandiyada 2021-ci ilin oktyabrında, Avropa və Böyük Britaniyaya çatdırılma isə 2022-ci ilin martında başa çatıb.
