Bill Qeyts QİÇS, vərəm və malyariya ilə mübarizə üçün 912 milyon dollar bağışlayacaq

Bill və Melinda Qeyts Fondu QİÇS, Vərəm və Malyariya ilə Mübarizə Qlobal Fonduna (Qlobal Fond) 912 milyon dollar bağışlayacaq.

“İki sahil” "Kommersant"a istinadla xəbər verir ki, bu ianəni elan edən Bill Qeyts həmçinin ABŞ hökumətini xarici yardım proqramları və digər hökumətlərin dünya miqyasında xəstəliklərə qarşı mübarizəni dəstəkləmək üçün maliyyəni azaltmaq qərarına yenidən baxmağa çağırıb.

Qeytsin sözlərinə görə, milyonlarla uşağın həyatı hazırda risk altındadır və qlobal liderlərin on ildə bir dəfə böyük bir iş görmək imkanı var. Onun sözlərinə görə, liderlərin seçimi var: səhiyyə xərclərini kəskin şəkildə azaltmaq və ya dünya uşaqlarına layiq olduqları sağlam həyat şansı vermək. Və bu seçim gələcək nəsilə necə gələcək qoyacağımızı müəyyən edəcək.